Haxhiu: Seanca konstituive duhet të vazhdojë shumë shpejt, më pas votohet Qeveria
Albulena Haxhiu tha se seanca konstituive duhet të vazhdojë shumë shpejt dhe se pas konstituimit të Kuvendit duhet të votohet Qeveria.
Ushtruesja e detyrës së presidentes, Albulena Haxhiu, ka deklaruar se seanca konstituive e Kuvendit duhet të vazhdojë shumë shpejt, ndërsa përgjegjësinë për thirrjen e saj e ka kryesuesi i seancës.
Në emisionin “Politiko” në Kanal 10, Haxhiu tha se pas konstituimit të Kuvendit duhet të votohet Qeveria dhe më pas të vazhdojnë përpjekjet për zgjedhjen e presidentit.
Ajo e lidhi vonesën në thirrjen e seancës me afatet kushtetuese dhe me përpjekjet për arritjen paraprake të një marrëveshjeje politike për presidentin.
Sipas Haxhiut, hyrja në afate pa një marrëveshje për presidentin do ta vështirësonte procesin institucional. Ajo tha se subjektet politike tashmë kanë pasur hapësirë të mjaftueshme për konsultime.
Haxhiu kujtoi se seancën e parë konstituive e kishte thirrur në ditën e 29-të të afatit kushtetues 30-ditor, duke thënë se synimi ishte t’u jepej kohë partive për të arritur marrëveshje.