Gjini ia kujton Kurtit dorëheqjet që mungojnë pas vrasjes

Ardian Gjini kritikoi kryeministrin Albin Kurti për mungesë të llogaridhënies pas vrasjes së Arlinda Zekajt, duke thënë se askush nga pushteti nuk kishte ofruar dorëheqje, gati 24 orë pas ngjarjes.

Në reagimin e tij, Gjini e vuri përballë mungesën e dorëheqjeve me fjalimin e Kurtit për detyrimet e shtetit dhe përgjegjësitë institucionale, gjashtë vjet pas ardhjes së tij në pushtet.

“6 vjet pasi ka ardhur në pushtet, Kurti mbajti ligjëratë se si duhet të jetë shteti, e cilat duhet të jenë përgjegjësitë. Mashtrues i tmerrshëm”, shkroi ai.

Sipas Gjinit, përfaqësuesit e pushtetit po ua bartin fajin të tjerëve, në vend që të marrin përgjegjësi për mbrojtjen e jetës së qytetarëve.

Ai theksoi se asnjë rrethanë nuk e legjitimon krimin dhe kërkoi dënimin maksimal për autorin. Megjithatë, sipas tij, përgjegjësia penale e autorit nuk e përjashton përgjegjësinë e udhëheqësve shtetërorë dhe institucioneve.

Sponsorët