Çfarë kërkon Kurti për ta mbyllur çështjen e presidentit?

Kryeministri Albin Kurti u kërkoi liderëve politikë dhe deputetëve ta përmbyllin zgjedhjen e presidentit, duke zbatuar marrëveshjen mes LVV-së dhe LDK-së për kandidatin presidencial.

Në mbledhjen solemne të Qeverisë më 14 shtator, ai tha se pengesa është qëndrimi i disa deputetëve të LDK-së, të cilët, sipas tij, kundërshtojnë zbatimin e marrëveshjes. Kurti e cilësoi të pafalshëm një rikthim në zgjedhje kur, siç u shpreh, zgjidhja është kaq afër.

Sponsorët

Pas konstituimit të Kuvendit dhe votimit të kabinetit të ri, Kurti e vendosi zgjedhjen e presidentit si çështjen institucionale që mbetet për t’u zgjidhur. Ai u bëri thirrje kolegëve dhe deputetëve të veprojnë në përputhje me vullnetin e qytetarëve.

Sipas vlerësimit të tij, një proces tjetër zgjedhor nuk do të ndryshonte përbërjen politike dhe do të dëmtonte interesin publik. Këtë qëndrim e lidhi me periudhën e bllokadës institucionale dhe zgjedhjet e njëpasnjëshme.

DPT — Drita për të vërtetën