Bajrami akuzon Osmanin për gënjeshtra mbi fondet e vitit 2020
Deputetja e LDK-së, Hykmete Bajrami, e akuzoi Vjosa Osmanin se po gënjen për mbështetjen financiare të vitit 2020, duke thënë se Qeveria Hoti kishte financuar pagat e punëtorëve të sektorit…

Deputetja e LDK-së, Hykmete Bajrami, e akuzoi Vjosa Osmanin se po gënjen për mbështetjen financiare të vitit 2020, duke thënë se Qeveria Hoti kishte financuar pagat e punëtorëve të sektorit privat për një muaj gjatë pandemisë.
Kundërpërgjigjja erdhi pasi Osmani tha në Kuvend se fondet atëherë u ishin dhënë “bossave të biznesit” dhe se ajo kishte qenë ndër kritiket më të forta të asaj pakoje. Bajrami drejtonte Ministrinë e Financave në atë periudhë.
“Përgjigje turistëve politikë që kanë mbetur pa pushtet, pa dinjitet, e shpërndajnë mjegull: Mos gënjeni!”, deklaroi Bajrami.
Sipas saj, përfituesit duhej të figuronin në listën e pagave të Administratës Tatimore të Kosovës për tre muajt paraprakë. Ajo tha se në realizimin e pakos kishin punuar rreth dhjetë shërbyes civilë, përfshirë drejtorët e Thesarit dhe të Buxhetit, dhe e cilësoi atë ndër pakot më transparente të mbështetjes financiare.
Osmani e kishte përmendur pakon gjatë kritikave ndaj Qeverisë Kurti, të cilën e akuzoi se kishte ndërruar oligarkët. Bajrami, nga ana e saj, i akuzoi kritikët për standarde të dyfishta, duke thënë se qëndrimet e tyre ndryshojnë sipas pozitës që mbajnë.
Sponsorët
![]() | ![]() | ![]() |


