Haxhiu: Hapja e urës mbi Ibër është hap i rëndësishëm, pres të ndodhë sa më parë

Ushtruesja e detyrës së presidentes, Albulena Haxhiu, ka thënë se hapja e urës mbi lumin Ibër për qarkullim është një hap i rëndësishëm për qytetarët dhe situatën në veri të Kosovës.

Haxhiu deklaroi se gjendja në pjesën veriore të vendit është tani ndryshe nga periudhat e mëparshme dhe se pret që ura të hapet sa më shpejt.

Ajo tha se institucionet e Kosovës nuk kanë synuar veprime të njëanshme, duke e lidhur qasjen e tyre me raportet dhe koordinimin me partnerët ndërkombëtarë.

Haxhiu mirëpriti qëndrimet e Bashkimit Evropian dhe të KFOR-it për këtë çështje, duke përsëritur pritjen që hapja të realizohet së shpejti.

Sipas saj, ura duhet t’u shërbejë të gjithë qytetarëve, pa dallim etnie, dhe të mundësojë lëvizje të lirë.